Pro unu bilantzu de su Mandamentu 7 de s’Ufìtziu Limba Sarda de sa Provìntzia de Nùgoro. Sas ativides sunt istadas sighidas dae 500 pitzinnos e giòvanos.

Arribadu su mese de nadale est tempus de fàghere unu primu bilantzu de sas atividades fatas dae s’ULS de sa Provìntzia de Nùgoro in su Mandamentu 7 chi cumprendiat sas biddas de Macumere, Bìroro, Bortigale e Sindia.
Su progetu “PRO GUVERNARE CUN SA LIMBA” ammaniadu dae banda de sa Provìntzia de Nùgoro e finantziadu cun sos fundos prevididos dae sa Lege de s’Istadu 482/99 chi amparat sas minòrias linguisticas italianas est incumentzadu in sa die de s’8 de abrile pro s’agabare in sa die de su 7 de nadale 2013.
Su progetu ocannu previdiat 10 oras a sa chida fatas dae banda de s’Operadore chi si depiat partzire sas oras in 4 comunes.
Sunt istados organizados 15 atividades de lìturas animadas (Su Lupeddu Biàitu), atividades ludo-didaticas (GIOGAMUS IN SARDU, IT’EST), duas cunferèntzias pro sas iscolas primàrias de Macumere cun sa publicatzione de unu libreddu intituladu “SA BATALLA DE MACUMERE” chi est istadu dadu a 150 pitzinnos, intrende duncas in sas domos de Macumere. B’at istada una presèntzia forte de s’ULS in sa Mustra de Libru de Macumere a sa fine de su mese de santu gaine, cun sa lìtura de “Su Lupeddu Biàitu”, sa presentada de su libru “Su Giornalinu de Gianburrasca” in sas iscolas primàrias, sa presentada de su libru “I luoghi dell’anima” de Micheli Pinna in sas iscolas mèdias e in su litzeu de Macumere. Laboratòrios in sas iscolas de s’infàntzia de Bìroro, in sas iscolas primàrias de Bortigale e Macumere e merie de atividades in sas bibliotecas de Macumere e Sindia. A sa fine de totas sas atividades sos nùmeros sunt de importu mannu: 490 pitzinnos e giovanos ant sighidu sas atividades organizadas dae s’Ufìtziu Limba Sarda: 29 pìpios de s’iscola de s’infàntzia, 268 de sas iscolas primàrias, 38 de s’iscola media, 160 de su litzeu de Macumere.

Màriu A. Sanna

IT'EST

IT’EST

61146_544625932241325_389998779_n 310000_520616714642247_853586086_n 401925_520617604642158_1813275714_n 968898_520614647975787_475662129_n 971773_522682627768989_132100358_n

GIOGAMUS IN SARDU

GIOGAMUS IN SARDU

1426724_599451976758720_11994156_n

Pubblicato in Artìculos, Bibliotecas de su Màrghine, Comune de Bìroro, Comune de Bortigale, Comune de Macumere, Comune de Sindìa, Eventos- Manifestatziones, Iscola de sa Sardigna, Laboratòrios, Libros in Sardu - Presentadas e Retzensiones, Mandamentu 7- 2013, Noas dae su Mandamentu III, Progetu SA LIMBA PRO GUVERNARE 2013, Ufìtziu Limba Sarda de sa Provìntzia de Nùgoro- Ma | Lascia un commento

SINDIA: Presentada de su libru RIMAS E FRORES de Augustu Piras.

Presentada de su libru RIMAS E FRORES de Augustu Piras. 

 

Giòbia 14 de santandria in su Salone Parrocchiale  in s’Istradone de Sindia, s’Ingegneri e istudiosu de limba sarda e poeta sunesu Augustu Piras at a presentare su libru de poesias”RIMAS E FRORES” iscritu cun Cicita Solinas. Ant a presentare su libru su Presidente de su Tzirculu Culturale “Cabuabbas ” Muns. Giuanne Antoni Niola e s’istudiosu de sa limba sarda Vìtoriu Pinna. Sa presentada at a incumentzare a sas oras 18.00.

Màriu A. Sanna 

 

Augusto piras.JPG


Pubblicato in Artìculos, Comune de Sindìa, Libros in Sardu - Presentadas e Retzensiones, Poesia | Lascia un commento

Bortigale: Cunvocatzione de su Consìgiu Comunale pro sa die de su 18 de santugaine 2013

Bortigale: Cunvocatzione de su Consìgiu Comunale pro sa die de su 18 de santugaine 2013.


Bortigali, Campanile di Santa Maria degli Angeli.jpg


de Màriu A. Sanna- Operadore ULS Mandamentu VII

Su Sìndigu de Bortigale Fràntziscu Caggiari at cunvocadu su Consìgiu Comunale de Bortigale in setziada ordinària pro sa die de chenàbura 18 de santugaine 2013 a sas oras 19.30 in s’Aula de su Consìgiu Comunale “Nino Tedde”.

Iscàrriga sa cunvocatzione in sardu in su formadu pdf Comune de Bortigale- cunvocatzione cc 20131018.pdf

Iscàriga sa cunvocatzione in italìanu in su formadu pdf Bortigali Convocazione cc 20131018.pdf

Pubblicato in Artìculos, Avisos, Comune de Bortigale, Comunicados 2013, Mandamentu 7- 2013, Progetu SA LIMBA PRO GUVERNARE 2013, Ufìtziu Limba Sarda de sa Provìntzia de Nùgoro- Ma | Lascia un commento

SINDIA FESTAT SANTU DEORMITI.

SINDIA FESTAT SANTU DEORMITI.

san-demetrio-facciata-2.jpg


 de Màriu A. Sanna- Operadore ULS, Mandamentu VII

Sa bidda de Sindia est in festa: dae cras mèrcuris 16 de santugaine 2013, at cumentzare una de sas festas de importu prus mannu, s’at a festare difatis Santu Deormiti (Deolmiti, Olmiti in sindiesu). Sa crègia est istada fraigada comente est como in su sèculu XVII pro volutandade de Gàvinu Pintor- Serra giai Inchisidore Generale de sa Sardigna chi aiat istudiadu in Ispagna e chi aiat fatu parte de s’ordine de sos padres gesuitas. Sa prima crègia fiat pitica e s’agataiat in fora de sa bidda a curtzu de su riu Montecodes e de sos benales de Santu Deormiti. Si che cumintzat sa die de su 16 de santugaine a sas oras 17.00 cun su Rosàriu e de sa Novena e a sighire dae sas oras 18.00 b’at a èssere su Pèsperu cun sa partetzipa de sos cunfràrias de Sindia, Bonarcadu, Duarche, Seneghe, Sune e Tresnuraghes: at a èssere inaugurada puru una cappella a Santu Bantine (Sant’Antine) cun un’istatua donada dae banda de Giuliana Deriu. A sas 19.00 b’at a èssere su fogulone in foras dae sa corte de Santu Deormiti. A sas oras 21.00 at a cumentzare su Bizadolzu (Izadolzu a s’àntiga) cun sa musica de Tore Deriu e una gara de ballu.

 

Sa die de giòbia 17 b’ant a èssere sas Santas Missas a sas oras 9.15 e 11.00 de mangianu; a sas oras 16.00 b’ant a èssere giogos pro sos pitzinnos e pro sos giòvanos cun su “calciobalilla”; ant agabare sa die sa musica e sos contos de Giuseppe Masia cun su grupu “Kantidos”. Su Comitadu ocannu puru est istadu ghiadu dae Deormiti Biccai.

Pubblicato in Artìculos, Comune de Sindìa, Mandamentu 7- 2013, Progetu SA LIMBA PRO GUVERNARE 2013 | Lascia un commento

MACUMERE AMMENTAT MELCHIORRE MURENU

Macumere ammentat MELCHIORRE MURENU

Sa tzitade de Macumere no ismentigat sos fìgios suos e in particulare Melchiorre Murenu, s’Amministratzione Comunale de Macumere- Assessoradu pro sa tutela de su Patrimòniu Identitàriu at detzisu de organizare tres dies de atividades, cunvegnos e mustras pro ammentare su “vate” de Macumere.

S’Amministratzione Comunale de Macumere at organizare custa tres dies in sas ex casermas “Mura” cun  s’Assòtziu de sa Pro Loco de Macumere, e cun s’agiudu mannu de s’Assòtziu Culturale Solene, de sa Banda Musicale de Macumere, de sa Biblioteca Comunale, de su Cuncordu Tzitade de Macumere, de su Concordu Melchiorre Murenu, de sa Fundatzione Promotea, de su Grupu folk Santa Barbara, de su Grupu folk Traditziones Populares, de sa Sotziedade Coop. Esedra, de s’UNLA- Tzentru de sos Servìtzios Culturales e de s’Ufìtziu Limba Sarda.

Copia di IMAG0154.jpg

 

Si che cumentzat in sa die de chenàbura 20 cun s’inaugurada de sa 2a Mustra de sos Produtos de su setore Agro-Alimentare in su padiglione TAMULI a sas oras 17.00; a sighire, dae sas oras 18.00, in su padiglione FILIGOSA, b’at a èssere su cunvegnu con sos saludos de su Sìndigu de Macumere Antoni Succu, de s’Assessore a sa Tutela de su Patrimòniu Identitàriu Giuanne Biccai e cun sos interventos de Pàulu Pillonca (Il mito di Melchiorre Murenu) e de Sarbadore Tola (Melchiorre Murenu: un poeta contro); b’at a èssere sa litura de sas poesias de Melchiorre Murenu a incuru de Giomària Meloni, Sarbadora Miscali, Salvadoranghelu Murgia, at a coordinare sos traballos Antoni Albertu Frau.

 

domo melchiorre murenu.jpg


A sighire at a èssere cunsignadu a sos assòtzios de Macumere (Banda Musicale, Cuncordu Tzitade de Macumere, Cuncordu Melchiorre Murenu, Grupu Folk Santa Barbara e Grupu Folk Traditziones Populares) su reconoschimentu de “Grupu de Interesse” cuntzedidu dae su Ministeru de sos Benes e de sas Atividades Culturales.

 

Sas dies de su 21 e de su 22 in su padiglione FILIGOSA, b’ant a èssere sos ispetàculos teatrales a in curu de sa Compagnia Teatrale de sos “Barbariciridicoli” ghiados dae su matru Tinu Belloni.

 

Sa Mustra de su setore agro-alimentare at a èssere aberta in sas dies de sàpadu  e domìniga  dae sas oras 10.00 a sas oras 13.00 a mangianu e dae oras 17.00 a sas oras 21.00.

 

At a èssere possibile visitare sa domo de su poeta in su tzentru istòricu de sa tzitade dae sas oras 16.00  a sas oras 21.00 a incuru de s’Assòtziu SOLENE e de su Cuncordu MELCHIORRE MURENU.

 

Sa Fundatzione Promotea at a aparitzare “pannellos” chi ant a ghiare sas pessones in sos logos de sa vida de su poeta.

 

At a èssere possibile visitare su tzentru culturale “Domo Attene” dae sas oras 9.30 a sas 13.00 e dae sas oras 15.30 a sas oras 19.30.

 

Su programma at a èssere presentadu in una cunferèntzia pro sos mèdios informativos sa die de mèrcuris 19 de cabudanni 2013 a sas oras 15.30 in su Palatu de su Comune Betzu in s’Istradone.


Iscàrriga dae inoghe sa brochure brochure melchiorre murenu.pdf

Iscàrriga dae  inoghe sa brochure brochure melchiorre murenu b.pdf

 

Màriu A. Sanna- Responsabile de s’Ufìtziu Limba Sarda de su Comune de Macumere. 

Pubblicato in Artìculos, Bibliotecas de su Màrghine, Comune de Macumere, Comunicados, Comunicados 2013, Eventos- Manifestatziones, Mandamentu 7- 2013 | Lascia un commento

MARGHINE : ATIVU IN SOS COMUNES SU SERVITZIU DE PRENOTATZIONE E TRASPORTU PRO SOS ANZIANOS E SOS DISABILES.

MARGHINE : ATIVU IN SOS COMUNES SU SERVITZIU DE PRENOTATZIONE E TRASPORTU PRO SOS ANZIANOS E SOS DISABILES.

de Màriu A. Sanna- Operadore Mandamentu VII.

Ocannu puru est disponibile pro sos anzianos e sos disabiles chi istant in sos comunes chi faghent parte de s’Unione de sos Comunes de su Màrghine (Bìroro, Borore, Bortigale, Duarche, Golòthene, Lei, Macumere, Noragugume, Silanos, Sindìa) su Servìtziu de Prenotazione e Trasportu pro andare a fàghere visitas medicas, esàmines,  teràpias in sas istruturas de sos ambulatòrios e ispidales in sos territòrios de Macumere, Nùgoro, Bilartzi, Aristanis, Tàtari e Casteddu e in  àteros logos cunventzionados.

logo marghine.jpg

Su servìtziu est inditadu pro sas pessones chi ant lòmpidu sos 65 annos, chi apant problemas de impreu de sos mèdios de trasportu pùblicos, a sos disabiles cun problemas fisicos e/o mentales e chi apat sa documentatzione in balidesa lassada dae sos organos cumpetentes e unu gradu de invalididade chi siat superiore a su 66% , posca sos benefitziàrios depent àere unu ISEE chi non siat superiore sos 12.000 euros. Su servìtziu est inditadu a sos benefitziàrios de sas leges regionales n.27/83, 11/85, 9/04 art. 1 lìt. F.

 

postale trasportu.jpg

Prò pòder àere su servìtziu sos tzitadinos si che depent iscrìere cumpilende su mòdulu predispostu dae s’Ufìtziu de sos Servìtzios Sotziales de su Comune de residèntzia e la depent presentare a s’Ufìtziu Protocollu su nessi 6 dies innantis de sa die pro sa prima rechesta de trasportu.

 

Sas rechestas cherent fatas su nessi 3 dies innantis, dimandende a su responsabile de su comune de residèntzia. Sa die e s’oràriu ant a bènnere inditadas a luego.

 

 

Su costu de su trasportu at a èssere calculadu paghende sa tarifa fissa de euros 0.25 a chilometru, su calculu benit fatu a sa tucada a sa torrida de su mèdiu de trasportu. S’utente at a depet pagare sa cuota a s’autista innantis de sa tucada. Su servìtziu est a disponimentu in sas dies dae su lunis a su sàpadu in sa fàscia orària dae sas oras 07.00 a sas oras 20.00. 

Pubblicato in Artìculos, Comune de Bìroro, Comune de Borore, Comune de Bortigale, Comune de Duarche, Comune de Golothene, Comune de Lei, Comune de Macumere, Comune de Noragugume, Comune de Silanos, Comune de Sindìa, Noas dae su Mandamentu II, Noas dae su Mandamentu III, Unione de sos Comunes de su Màrghine | Lascia un commento

Lei, Golòthene, Noragùgume, Silanos: agabados sos laboratòrios “In Sardu ..giogamus e imparamus”.

Artìculu de Sara Firinu, Operadore Mandamentu II. 

Lei, Golòthene, Noragùgume, Silanos.

Sunt agabados su 24 de trìulas sos laboratòrios “In Sardu… giogamus e imparamus”, fatos in sos Comunes de Lei, Golòthene, Noragùgume e Silanos.  Su prozetu nàschidu dae sa cussèntzia de s’importàntzia chi tenet su de fàghere acostire sos zòvanos nostros a sa limba, de si ddis imparare, finas zoghende.

 

lab 1.jpg

Sos pitzinnos nostros, finas a como, no ant tentu sa possibilidade de imparare su sardu in iscola. In prus, b’est su problema chi sa limba est perdende.si finas in sas famìglias.

Custu capitat mancari sa limba sarda siat istada reconnota, siat a livellu regionale che istatale, che limba de minoria de amparare e promòvere: cheret nàrrere chi podet intrare in iscola e èssere imparada e istudiada comente totus sas àteras matèrias.

 

lab3.jpg           

lab 6.jpg

Una possibilidade, custa, chi tenimus zai dae su 1999 (Lege 482): sas famìglias, zai dae s’iscola de s’infàntzia, podent isseberare chi a sos fizos issoro bezat imparadu su sardu.Cun s’isperu chi totu custu potzat divènnere realidade in pagu tempus, onniunu de nois devet fàghere carchi cosa, onniunu de nois podet fàghere sa diferèntzia, ca est de importu pro totus.

lab 4.jpg     

lab 2.jpg

Su laboratòriu, contivizadu dae s’ufìtziu de sa Limba Sarda, est istadu fatu paris cun sas Bibliotecas Comunales, chi ant postu a disponimentu su logu e totu su chi serbiat. Sunt istadas fatas chimbe lezione in onni Comune, incumentzadas su 24 de làmpadas, onni martis e mèrcuris.B’ant leadu parte, in totu, prus o mancu 60 pitzinnos, dae sos 5 a sos 12 annos.

Pro calicunu su sardu est istada una cosa noa, de imparare casi che che limba istranza; calicunu at tentu carchi problema, a bortas, a cumprèndere  s’operadore ma totus b’ant leadu parte, dae s’incumentzu a s’agabu, cun alligria e gana bella de imparare.

Sunt istadas impreadas ischedas fatas dae s’operadore de s’isportellu e dvd.

Sos pitzocheddos ant  a imparadu: a si fàghere a connòschere, a saludare, a preguntare nùmene e sambenadu, sas dies de sa chida, sos meses de s’annu, sos colores, sas istajones, sas partes de sa carena. S’est finas zogadu paris: unu crucipuzzle totu in sardu e su zogu de sa coca. S’ùrtima die ant fatu s’isfida prus manna pro issos: partzidos in iscuadras, ant iscritu unu contu in sardu!

S’isperu est chi custu siat solu unu primu passu e chi si sigat a andare a in antis in custa manera.

Pubblicato in Artìculos, Bibliotecas de su Màrghine, Comune de Golothene, Comune de Lei, Comune de Noragugume, Comune de Silanos, Laboratòrios, Noas dae su Mandamentu II, Polìtica Linguìstica pro su Sardu, Progetu SA LIMBA PRO GUVERNARE 2013, Ufìtziu Limba Sarda de sa Provìntzia de Nùgoro- Ma | Lascia un commento

SINDIA: UNU ASSOTZIU NOU PRO S’AMPARU DE SU SARDU.

SINDIA: UNU ASSOTZIU NOU PRO S’AMPARU DE SU SARDU.

 

Artìculu de Màriu A. Sanna- Mandamentu III

Una bona noa arribat dae Sindìa in ue in sas chidas passadas est nàschidu un’assòtziu nou pro s’amparu e s’abaloramentu de su sardu.

S’Assòtziu numenadu « RIMAS IN SINDIA », naschit dae sa voluntade de unu grupu de amigos, chi a pustis de àere organizadu in sos meses passados una gara de poesia “a bolu” chi est istada sighida dae prus de 150 pessones ant detzisu de s’assotziare pro organizare in paris manifestatziones pro sa tutela de su sardu e pro trasmìtere su patrimòniu mannu de sa poesia orale e iscrita a sos giòvanos de oe.

 

100_4273.JPG

B’at de nàrrere puru chi s’edade media de su diretivu est prus e mancu de 40 annos, duncas pròpriu de cussas levas chi prus de sas àteras ant bidu s’iscola, sos mèdios informativos e sos mesàgios educativos contra de su sardu.

 

100_4267.JPG

 

Su diretivu bidet Marcu Ledda comente Presidente, Laurentu Marras comente vitzepresidente, Sandro Biccai comente segretàriu, Anghelu Pisanu comente tesoriere e Gabriele Pisanu, Giuanne Pedru Deriu, Màriu Francu Deriu, Micheli Fois, Istèvene Deriu e William Pinna comente consigeris. 

100_4308.JPG        

100_4264.JPG


Pubblicato in Artìculos, Comune de Sindìa, Mandamentu 3- 2013 | Lascia un commento

Bortigale: Bandu contributos pro pagare sos canones de locatzione

 

Comune de Bortigale

 

AVISU PùBLICU

 

LEGE 431/98 art. 11- “Erogatzione de unu contributu de integratzione pro pagare su cànone de locatzione”


A sos sensos de s’art. 11 de sa Lege 431/98, chi at istituidu su Fundu Natzionale pro su sustennu pro leare sas domos in locatzione, est publicadu su bandu generale de cuncursu chi balet pro dàere s’erogatzione de unu contributu de integratzione de sustennu pro leare sas domos in locatzione.

Podent presentare sa dimanda cussos chi ant sos rechisitos chi sighint:

 

ØDESTINATàRIOS DE SOS CONTRIBUTOS

Podet dimandare su contributu sas pessones chi siant titulares de unu cuntratu regolare de locatzione a impreu de residèntzia de una unidade immobiliare de propriedade privada posta in su Comune de Residèntzia e ocupada a tìtulu de sa prima domo o de sa domo sola;

 

ØRECHISIDOS

Sa locatzione depet:

1.       a èssere proada dae unu cuntratu registradu a manera regolare da s’Ufìtziu de su Registru;

2.     a èssere in balore in su momentu de sa presentada de sa dimanda;

 

3.     adurare in balore pro totu su perìodu a sa cale faghet fide su contributu chi s’at a tènnere. Sincasu de interrutzione de sa locatzione, su contributu chi faghet riferimentu a su perìodu chi non est galu ammaturadu, depet a èssere torradun intre de deghes (10) dies. 


Sos mòdulos de sa dimanda e còpia de su bandu integrale si podent dimandare in s’Ufìtziu de su Servìtziu Sotziale de su Comune de Bortigale o si podent iscàrrigare dae su situ internet www.bibliotecabortigali.it e http://www.comune.bortigali.nu.it/ .

 iscàrriga su bandu bandu de locatzione.pdf

 

paese6.jpg


Pubblicato in Artìculos, Avisos, Bibliotecas de su Màrghine, Comune de Bortigale, Mandamentu 7- 2013, Progetu SA LIMBA PRO GUVERNARE 2013 | Lascia un commento

Comune de Bìroro: Avisu pro sa bariadura de sos oràrios de regorta de sos refudos

Comune de

Bìroro

(Provìntzia de Nùgoro)

                   Servìtziu Tècnicu

 

 

Avisu Pùblicu

“Servìtziu de regorta diferentziada de sos refudos sòlidos urbanos”

 

Si che comunicat a sos tzitadinos chi a partire dae sa die de su 1 de su mese de trìulas 2013 e fintzas a sa die de su 30 de su mese de cabudanni 2013, s’oràriu de comintzu de su servìtziu de regorta diferentziada de sos refudos at a èssere antitzipadu a sas oras 6:30, duncas su conferimentu de sos refudos in su solu pùblicu depet a èssere fatu intro de cuss’ora.

Custa bariadura de sos oràrios est netzessària ca bisongiat a evitare, in relata a sas temperaduras artas de s’istajone de s’istiu, s’isparghidura de sos fiàgos malos in manera particulare in sas oras prus caentes.

 

Bìroro, sa die de su 17 de trìulas 2013

Su Responsabile de su Servìtziu Tècnicu

 

Geòm. Fabrìtziu Pintori


100_6515.JPG

iscàrriga inoghe s’avisu in su formadu pdf Comune de Biroro- Recorta diferentziada avisu triulas 2013.pdf

Pubblicato in Artìculos, Avisos, Comune de Bìroro, Mandamentu 3- 2013 | Lascia un commento